ਇਕੁ ਰਹੈ ਤਤੁ ਗਿਆਨੁ

ਅੱਜ ਦੇ ਸਲੋਕ ਵਿਚ ਮਹਲਾ 3 ਗੁਣਾ ਰੂਪੀ ਨਾਮੁ ਨੂੰ ਵਿਸਾਰ ਜਿਉਣ ਵਾਲੇ ਜੀਵ ਦੀ ਜੀਵਨ ਵਿਉਂਤ ਨੂੰ ਦਰਸਾਉਂਦੇ ਹੋਏ ਆਖਣਾ ਕਰਦੇ ਹਨ ਕੇ..
ਬ੍ਰਹਮਣ ਕੈਲੀ ਘਾਤੁ ਕੰਞਕਾ ਅਣਚਾਰੀ ਕਾ ਧਾਨੁ ॥ 
ਫਿਟਕ ਫਿਟਕਾ ਕੋੜੁ ਬਦੀਆ ਸਦਾ ਸਦਾ ਅਭਿਮਾਨੁ ॥ 
ਪਾਹਿ ਏਤੇ ਜਾਹਿ ਵੀਸਰਿ ਨਾਨਕਾ ਇਕੁ ਨਾਮੁ ॥
ਪਹਿਲਾ ਗੁਰੂ ਉਹਨਾਂ ਸਮਾਜਿਕ ਰੁਹ ਰੀਤੀਆਂ ਦਾ ਜਿਕਰ ਕਰਦੇ ਹਨ ਜਿਨ੍ਹਾਂ ਨੂੰ ਮਾੜੇ ਕਿਰਦਾਰ ਨਾਲ ਜੋੜ ਵੇਖਿਆ ਜਾਂਦਾ ਹੈ॥
ਬ੍ਰਾਹਮਣ ਹੱਤਿਆ, ਗਊ ਹੱਤਿਆ, ਧੀ ਦਾ ਕਤਲ ,ਕੁਕਰਮੀ ਦੀ ਧੰਨ ਦੌਲਤ,ਦਰ ਦਰ ਦੀ ਫਟਕਾਰ,ਬਦੀਆ ਦਾ ਕੋਹੜ ਅਤੇ ਅਹੰਕਾਰ ਸਿਰੇ ਚੜੇ ਰਹਿਣਾ॥
ਹੇ ਨਾਨਕਾ ਇਹ ਲੱਛਣ ਉਸ ਜੀਵ ਵਿਚ ਪਾਏ ਜਾਂਦੇ ਹਨ, ਜਿਸ ਨੇ ਇਕ ਅਕਾਲ ਪੁਰਖ ਦੇ ਨਾਮੁ ਰੂਪੀ ਗੁਣਾ ਤੂੰ ਮੂੰਹ ਫੇਰ ਲਿਆ ਹੋਵੇ॥
ਸਭ ਬੁਧੀ ਜਾਲੀਅਹਿ ਇਕੁ ਰਹੈ ਤਤੁ ਗਿਆਨੁ ॥੪॥
ਸੋ ਸਮਝਣ ਵਾਲੀ ਗੱਲ ਇਹ ਕੇ ਮੈ ਮੇਰੀਆ ਦੀਆ ਸਾਰੀਆਂ ਸਿਆਣਪਾ ਨੂੰ ਚੁੱਲ੍ਹੇ ਵਿਚ ਜਲਾ, ਇਕ ਸਾਹਿਬ ਦੇ ਨਾਮੁ ਰੂਪੀ ਗਿਆਨ ਨਾਲ ਜੁੜਕੇ ਜਿਉਣਾ ਹੀ ਸਰੇਸਟ ਹੈ॥
ਜਬ ਲਗੁ ਜਾਨੈ ਮੁਝ ਤੇ ਕਛੁ ਹੋਇ ॥ ਤਬ ਇਸ ਕਉ ਸੁਖੁ ਨਾਹੀ ਕੋਇ ॥
ਜਬ ਇਹ ਜਾਨੈ ਮੈ ਕਿਛੁ ਕਰਤਾ ॥ ਤਬ ਲਗੁ ਗਰਭ ਜੋਨਿ ਮਹਿ ਫਿਰਤਾ ॥
ਧੰਨਵਾਦ