Tuesday, November 8, 2016

ਕਮਾਦਿਕ ਤੂੰ ਛੁੱਟਣ ਦੀ ਵਿਧੀ

ਬੀਤੇ ਕੱਲ੍ਹ ਦੀ ਵਿਚਾਰ '''ਕਾਮ ਕ੍ਰੋਧ ਕਾ ਚੋਲੜਾ ਸਭ ਗਲਿ ਆਏ ਪਾਇ''' ਨੂੰ ਅਗੇ ਤੋਰਦੇ ਹੋਏ ਮਹਲਾ 3 ਅੱਜ ਦੇ ਸਲੋਕ ਵਿਚ ਕਮਾਦਿਕ ਤੂੰ ਛੁੱਟਣ ਦੀ ਵਿਧੀ ਦਸਦੇ ਹੋਏ ਆਖਦੇ ਹਨ॥
ਜਿਨ ਕਉ ਕਿਰਪਾ ਧਾਰੀਅਨੁ ਤਿਨਾ ਸਤਿਗੁਰੁ ਮਿਲਿਆ ਆਇ ॥
ਜਿਨ੍ਹਾਂ ਜੀਵ ਦੇ ਕਰਮ ਖੇਤਰ ਉਤੇ ਸਾਹਿਬ ਮਿਹਰ ਭਰੀ ਨਿਗ੍ਹਾ ਪੈਂਦੀ ਹੈ ਤਿਨ੍ਹਾ ਨੂੰ ਸਚੇ ਗੁਰੂ ਦੀ ਸੰਗਤ ਕਰਨ ਦਾ ਸੁਭਾਗ ਹਾਸਿਲ ਹੋ ਜਾਂਦਾ ਹੈ॥
ਸਤਿਗੁਰਿ ਮਿਲੇ ਉਲਟੀ ਭਈ ਮਰਿ ਜੀਵਿਆ ਸਹਜਿ ਸੁਭਾਇ ॥
ਗੁਰੂ ਦੀ ਸੰਗਤ ਵਿਚ ਪੈ ਸਹਿਜ ਹੀ ਮਨਮਤੀ ਹੋਏ ਮਨ ਵਿਚ ਬਦਲਾਵ ਆ ਜਾਂਦਾ ਹੈ, ਵਿਕਾਰਾਂ ਵਾਲੇ ਪਾਸਿਉ ਮਨ ਕਿਨਾਰਾ ਕਰ ਲੈਂਦਾ ਹੈ ਅਤੇ ਗੁਰੂ ਦੀ ਸੰਗਤ ਕਰ ਗੁਰਮਤਿ ਦੇ ਖੇਤਰ ਵਿਚ ਨਵਾਂ ਜਨਮ ਲੈ ਲੈਂਦਾ ਹੈ॥
ਭਾਵ ਜੋ ਕੱਲ ਦੇ ਸਲੋਕ ਵਿਚ '''ਕਾਮ ਕ੍ਰੋਧ ਕਾ ਚੋਲੜਾ ਸਭ ਗਲਿ ਆਏ ਪਾਇ'''ਆਇਆ,ਅੱਜ  ਉਸਦੇ ਬਦਲਵੇ ਰੂਪ ਬਾਰੇ ਗੁਰੂ ਜੀ ਨ ਕਹਿਣਾ ਪਿਆ ॥
ਜਿਨ ਕੇ ਚੋਲੇ ਰਤੜੇ ਪਿਆਰੇ ਕੰਤੁ ਤਿਨਾ ਕੈ ਪਾਸਿ ॥
ਧੂੜਿ ਤਿਨਾ ਕੀ ਜੇ ਮਿਲੈ ਜੀ ਕਹੁ ਨਾਨਕ ਕੀ ਅਰਦਾਸਿ ॥
ਜਿਵੇ ਹੀ ''ਸਤਿਗੁਰਿ ਮਿਲੇ ਉਲਟੀ ਭਈ''ਸਾਰੀ ਖੇਲ ਹੀ ਬਦਲ ਗਈ॥
ਨਾਨਕ ਭਗਤੀ ਰਤਿਆ ਹਰਿ ਹਰਿ ਨਾਮਿ ਸਮਾਇ ॥੧੮॥ 
ਨਾਨਕ ਤਾ ਇਹ ਹੀ ਸਮਝਾਣਾ ਕਰਦਾ ਹੈ ਕੇ ਸਚੇ ਗੁਰੂ ਵਲੋਂ ਦਸੇ ਉਪਦੇਸ਼ਾ ਨੂੰ ਕਮਾਉਂਦੀਆਂ ਹੋਇਆ ਸਾਹਿਬ ਵਿਚ ਇਕਮਿਕ ਹੋਇਆ ਜਾਂਦਾ ਹੈ॥
ਧੰਨਵਾਦ

No comments:

Post a Comment