Saturday, September 24, 2016

ਜੇ ਤੂੰ ਤਾਰੂ ਪਾਣਿ ਤਾਹੂ ਪੁਛੁ ਤਿੜੰਨ੍ਹ੍ਹ ਕਲ ॥

ਜੇ ਤੂੰ ਤਾਰੂ ਪਾਣਿ ਤਾਹੂ ਪੁਛੁ ਤਿੜੰਨ੍ਹ੍ਹ ਕਲ ॥ 
ਤਾਹੂ ਖਰੇ ਸੁਜਾਣ ਵੰਞਾ ਏਨ੍ਹ੍ਹੀ ਕਪਰੀ ॥੩॥
ਹੇ ਭਾਈ ਜੇ ਤੇਰੇ ਅੰਦਰ ਭਵ-ਸਾਗਰ ਨੂੰ ਤੈਰ ਪਾਰ ਕਰਨ ਦੀ ਇੱਛਾ ਹੈ ਤਾ ਉਸ ਜਨ ਦਾ ਸੰਗ ਜਿਸ ਨੂੰ ਤੈਰਨਾ ਆਉਂਦਾ ਹੋਵੇ ॥ਸੁਚੱਜੇ ਤਾਰਕੂ ਦਾ ਸਾਥ ਲੈ ਤੂੰ ਭਵ-ਸਾਗਰ ਦੀਆ ਵਿਕਾਰ ਰੂਪੀ ਲਹਿਰਾਂ ਨੂੰ ਲੰਘ ਜਾਵੇਗਾ॥
ਹੁਣ ਸਵਾਲ ਖੜ੍ਹਾ ਹੋਂਦਾ ਹੈ ਕੇ ਉਹ ਕਿਹੜਾ ਤੈਰਾਕ ਹੈ ਜਿਸਦਾ ਸੰਗ ਕਰਨ ਨਾਲ ਤਾਰੀ ਲਾਉਣੀ ਆ ਜਾਵੇ॥ਆਉ ਗੁਰੂ ਜੀ ਕੋਲੋਂ ਪੁੱਛਦੇ ਹਾਂ॥
ਮਾਇਆ ਮੋਹੁ ਭਵਜਲੁ ਹੈ ਅਵਧੂ ਸਬਦਿ ਤਰੈ ਕੁਲ ਤਾਰੀ ॥
ਪਹਿਲੀ ਗੱਲ ਅਕਾਲ ਪੁਰਖ ਦੇ ਹੁਕਮ ਵਿਚ ਭਵ-ਸਾਗਰ ਮਾਇਆ ਦੀ ਮਲਕੀਅਤ ਵਿਚ ਹੈ ॥
ਦੂਜੀ ਗੱਲ ਇਸ ਮਾਇਆ ਦਾ ਤੋੜ ਵੀ ਅਕਾਲ ਪੁਰਖ ਨੇ ਪੈਦਾ ਕੀਤਾ ਹੈ ਅਤੇ ਤੋੜ ਹੈ ਸਬਦੁ ਗੁਰੂ॥
ਹੁਣ ਬਿਲਕੁਲ ਸਪਸ਼ਟ ਹੈ ਕੇ ਸਿੱਖ ਨੇ ਸਬਦੁ ਗੁਰੂ ਦੀ ਅਗਵਾਈ ਵਿਚ ਭਵ-ਸਾਗਰ ਨੂੰ ਤੈਰਨ ਦਾ ਜਾਚ ਸਿੱਖਣੀ ਹੈ॥
ਹੁਣ ਜੇ ਇੰਨੀ ਸਪਸ਼ਟਤਾ ਤੂੰ ਬਾਅਦ ਵੀ ਕਿਸੇ ਢੋਂਗੀ ਦੇ ਕੋਲੋਂ ਲੁੱਟ ਕਸੁਟ ਕਰਵਾਣੀ ਜਚਦੀ ਹੈ ਤਾ ਫਿਰ ਇਸ ਨੂੰ ਖੋਟਾ ਵਾਪਾਰ ਹੀ ਕਹਿ ਸਕਾਂਗੇ॥ਅਜੇਹੀ ਲੁੱਟ ਕਸੁਟ ਕਰਨ ਵਾਲਿਆਂ ਅਤੇ ਲੁਟੇ ਜਾਣ ਵਾਲਿਆਂ ਦਾ ਹਾਲ ਬਿਆਨ ਕਰਦੇ ਹੋਏ ਗੁਰੂ ਜੀ ਨੇ ਆਖ ਦਿੱਤਾ..
ਕਬੀਰ ਮਾਇ ਮੂੰਡਉ ਤਿਹ ਗੁਰੂ ਕੀ ਜਾ ਤੇ ਭਰਮੁ ਨ ਜਾਇ ॥ 
ਆਪ ਡੁਬੇ ਚਹੁ ਬੇਦ ਮਹਿ ਚੇਲੇ ਦੀਏ ਬਹਾਇ ॥
ਅਜੇਹੀ ਖੋਟੀ ਮੱਤ ਵਾਲੇ ਖੁਦ ਵੀ ਡੁਬਦੇ ਹਨ ਤੇ ਨਾਲ ਜੁੜੇ ਚੇਲਿਆਂ ਨੂੰ ਵੀ ਡੁਬਾ ਦਿੰਦੇ ਹਨ॥
ਸੋ ਆਉ ਗੁਰੂ ਅਗੇ ਅਰਦਾਸ ਕਰੀਏ ਕੇ...
ਹਮ ਪਾਥਰ ਗੁਰੁ ਨਾਵ ਬਿਖੁ ਭਵਜਲੁ ਤਾਰੀਐ ਰਾਮ ॥ 
ਗੁਰ ਦੇਵਹੁ ਸਬਦੁ ਸੁਭਾਇ ਮੈ ਮੂੜ ਨਿਸਤਾਰੀਐ ਰਾਮ ॥ 
ਧੰਨਵਾਦ

No comments:

Post a Comment