Sunday, September 25, 2016

ਫਰੀਦਾ ਲੋੜੈ ਦਾਖ ਬਿਜਉਰੀਆਂ ਕਿਕਰਿ ਬੀਜੈ ਜਟੁ ॥

ਫਰੀਦਾ ਲੋੜੈ ਦਾਖ ਬਿਜਉਰੀਆਂ ਕਿਕਰਿ ਬੀਜੈ ਜਟੁ ॥
ਹੰਢੈ ਉਂਨ ਕਤਾਇਦਾ ਪੈਧਾ ਲੋੜੈ ਪਟੁ ॥੨੩॥
ਸੇਖ ਸਾਬ ''''ਜੇਹਾ ਬੀਜੈ ਸੋ ਲੁਣੈ ਕਰਮਾ ਸੰਦੜਾ ਖੇਤੁ '''ਗੁਰਮਤ ਦੇ ਸਿਧਾਤ ਨੂ ਸਮਝਾਉਂਦੇ ਹੋਏ ਆਖ ਰਹੇ ਹਨ ਕੇ ਜੀਵ ਧਿਆਨ ਦੇ ਜੇ ਕੋਈ ਜੱਟ ਬੀਜੇ ਕਿੱਕਰਾਂ ਤੇ ਭਾਲੀਏ ਬਿਜੌਰ ਦੇ ਇਲਾਕੇ ਦੇ ਅੰਗੂਰ ਤਾ ਇਹ ਉਵੇ ਹੋਵੇਗਾ ਜਿਵੇ ਕੋਈ ਕਤਦਾ ਉਨ ਹੋਵੇ ਤੇ ਦਿਲ ਵਿਚ ਚਾਹਨਾ ਰੇਸ਼ਮ ਪਾਉਣ ਦੀ ਰਖਦਾ ਹੋਵੇ॥
ਇਥੇ ਸਿਧੇ ਤੋਰ ਉਤੇ ਸਮਝਣ ਦੀ ਗੱਲ ਹੈ ਕੇ ਹੁਕਮੀ ਦੇ ਹੁਕਮ ਖੇਤਰ ਵਿਚ ਕਰਮ ਦਾ ਫਲ ਖੁਦ ਕਰਮ ਵਿਚਲਾ ਸੁਕਰਮ ਜਾ ਵਿਕਰਮ ਨਿਸਚਿਤ ਕਰਵਾਉਂਦਾ ਹੈ॥
''ਜੇਹਾ ਬੀਜੈ ਸੋ ਲੁਣੈ'' ਦੇ ਸਿਧਾਤ ਉਤੇ ਹੀ ਸਾਹਿਬ ਦਾ '''ਨਿਰਵੈਰੁ''' ਹੋਣ ਦਾ ਸਿਧਾਤ ਖੜਾ ਹੈ॥ ਸਾਹਿਬ ਨੇ ਹੁਕਮ ਦੇ ਰੂਪ ਵਿਚ ਕੇਵਲ ਪੈਮਾਨਾ ਨਿਸਚਿਤ ਕੀਤਾ ਹੈ ਕੇ ਕਿੱਕਰ ਬੀਜਣ ਉਤੇ ਕੰਡੇ ਮਿਲਦੇ ਹਨ ,ਉਨ ਕੱਤਣ ਉਤੇ ਉਨ ,ਤੇ ਰੇਸਮ ਉਤੇ ਰੇਸਮ॥ ਜੋ ਗੁਰਮਤ ਦਾ ਮੁਖ ਸਿਧਾਤ ਹੈ ਓਹ ਕਰਮ ਕਰਨ ਦੀ ਆਜ਼ਾਦੀ ਬਖਸ਼ਦਾ ਹੈ''ਕਰਮੀ ਆਪੋ ਆਪਣੀ॥
ਜੋ ਕਰੋ ਗੇ ਓਹ ਹੀ ਭਰੋ ਗੇ॥

No comments:

Post a Comment